Սիրելի՛ գյումրեցիներ,

Շնորհավորում եմ բոլորիս Գյումրու օրվա առթիվ: Տոն, որ մեկտեղում է Գյումրու հոգսերով և ձեռքբերումներով ապրող բոլոր մարդկանց: Գյումրին այլևս վեր հառնող ու վերածնվող քաղաք է, որի համար մինչ այս տարված աշխատանքներին եկել են համալրելու տեղական ու միջազգային բազմաթիվ ծրագրեր: Գյումրին այսօր բոլորիս աչքի առաջ վեր է հառնում հնի ու նորի յուրահատուկ ներդաշնակությամբ՝ դառնալով առավել հարմարավետ, գրավիչ քաղաք թե՛ տեղի բնակիչների, թե՛ Հայաստանի և աշխարհի տարբեր անկյուներից Գյումրի այցելողների համար:

Գյումրու քաղաքապետարանը՝ ի դեմս քաղաքապետ Սամվել Բալասանյանի և Ռուսաստանի Դաշնության Նովոչերկասկ քաղաքի քաղաքապետարանը՝ ի դեմս Նովոչերկասկի քաղաքապետ Իգոր Զյուզինի օգոստոսի 24-ին կնքեցին քույր քաղաքների հուշագիր:

Համաձայն հուշագրի՝ կողմերն իրենց իրավասությունների սահմաններում նպաստելու են Գյումրիի և Նովոչերկասկի միջև առևտրատնտեսական փոխշահավետ համագործակցությանը, ինչպես նաև` առևտրաարդյունաբերական պալատների միջև համագործակցության զարգացմանը, Գյումրիի և Նովո չերկասկի տարածքներում գրանցված տնտեսվարող սուբյեկտների միջև կապերի հաստատմանը, տուրիզմի, էքսկուրսիոն և ցուցահանդեսային, տոնավաճառային գործունեություն ծավալող տնտեսվարող սուբյեկտների միջև գործնական կապերի զարգացմանը և այլն:

Հարգելի՛ երիտասարդներ,

Շնորհավորում եմ բոլորիդ Երիտասարդների միջազգային օրվա կապակցությամբ: Արագ զարգացող և փոփոխություններով լի ժամանակներում անհամեմատ մեծ է երիտասարդների դերը: Հանդիսանալով մեր հասարակության շարժիչ ուժն ու ապագայի հենարանը՝ դուք կարողանում եք արագ արձագանքել ցանկացած մարտահրավերի, իսկ այդ մարտահրավերներին համընթաց շարժվելու համար ձեզանից յուրաքանչյուրը պետք է արժևորի ստացած գիտելիքները և ցուցաբերի պատասխանատվության բարձր գիտակցում: Հայրենիքի ու հայրենի քաղաքի կայուն զարգացման, հզորացման բարդ ու պատասխանատու գործն այսօր դրված է մեր շատ սիրելի երիտասարդների ուսերին:

Հարգելի շինարարներ,

Ջերմորեն շնորհավորում եմ ձեզ մասնագիտական տոնի կապակցությամբ: Տոնն այս ևս մեկ առիթ է մեր հարգանքի և ակնածանքի խոսքը հղելու ձեզ, քանզի հենց ձեր ձեռքերով են վեր հառնում ազգային հարստություններն ու փոխանցվում գալիք սերունդներին: Հարգելի շինարարներ՝ ձեզ է վստահված հայ ճարտարապետության դարավոր ավանդույթները, մեր սիրելի քաղաքի ու երկրի շենացման, անչափ կարևոր գործը: Այսօր էլ Գյումրիում իրականացվող մեծածավալ փողոցաշինական աշխատանքների բնականոն ընթացքի ապահովումն առանց ձեզ ու ձեր անձնուրաց աշխատանքի պատկերացնել՝ գործնականում անհնար է։ Ձեր նվիրված աշխատանքի և բարձր վարպետության շնորհիվ Գյումրին օրըստօրե շենանում է՝ աշխարհին ներկայանալով որպես ժամանակակից և բարեկարգ քաղաք: