Գյումրին գտնվում է Հայաստանի Հանրապետության մայրաքաղաք Երևանից 126 կմ հեռավորության վրա, այն տեղակայված է Հայաստանի հյուսիս-արևմտյան մասում՝ Շիրակի բարձրավանդակի կենտրոնում` ծովի մակերևույթից 1550 մետր բարձրության վրա: Քաղաքն ընդգրկում է շուրջ 4429 հեկտար տարածք, ընդլայնվելու համար աշխարհագրորեն հարմարավետ տեղանքում է գտնվում: Շիրակի բարձրավանդակը Հայաստանի ամենից ընդգրկուն հարթ տարածությունն է, երկարությունը 35 կմ է, լայնությունը՝ 25: Այն սահմանակից է Փամբակի լեռնաշղթայի արևմտյան, Արագած լեռան հյուսիսային և արևմտյան հատվածներին:
ԿՈՆՖԵՐԱՆՍՆԵՐ
Գյումրին լավագույն վայրերից մեկն է անմոռանալի կոնֆերանսներ կազմակերպելու համար: Բազմաթիվ կոնֆերանսներ են անցկացվել Ժողովրդական ճարտարապետության և քաղաքային կենցաղի թանգարանում: Համալիրը Գյումրու առավել հին շինություններից մեկն է, այն ունի ռեստորան, կոնֆերենց դահլիճ, իսկ երկրորդ հարկում՝ թանգարանն է:
ԴԵՂԱՏՆԵՐ
Ռիժկովի և Աբովյան փողոցներում գործում են 24 ժամ աշխատող դեղատներ: Անհրաժեշտ դեղեր հնարավոր է գտնել քաղաքի ցանկացած մասում:
ՀԱՂՈՐԴԱԿՑՈՒԹՅՈՒՆ
Հրդեհային ծառայություն - 101
Ոստիկանություն - 102
Շտաբ օգնություն – 103
Հեռախոսային տեղեկատու - 109
Օդանավակայանի տեղեկատու – 187
Միջազգային զանգեր – 105
Զանգեր Հայաստանի ներսում – 107
Երկաթուղի – 184
Եղանակի տեղեկատու -186
Գազի ծառայություն -104
ՕԴԱՅԻՆ ՈՒՂԵՎՈՐԱՓՈԽԱԴՐՈՒՄՆԵՐԻ ԾԱՌԱՅՈՒԹՅՈՒՆ
Գյումրիին առավել մոտ է Շիրակ միջազգային օդանավակայանը, որը քաղաքի կենտրոնից 7 կմ հեռավորության վրա է տեղակայված: Օդանավակայանը կանոնավոր չվերթ է իրականացնում Ռուսաստանի և Ուկրաինայի ուղղությամբ:
Հեռ.՝ +374 (312) 221 58
Ֆաքս.՝ +374 (312) 409 58
ԵՐԿԱԹՈՒՂԻ
Գյումրի - Երևան, Երևան - Գյումրի երկաթուղային ծառայությունը միջքաղաքային ուղևորափոխադրումների ամենից էժան տարբերակն է: Երևան – Գյումրի գնացքը շարժվում է ամեն օր 8:00-ին ու 18:00-ին, Գյումրի է հասնում մոտ 3,5 ժամից: Երկաթուղային կայարանը գտնվում է Կայարանամերձ հրապարակում՝ Տիգրան Մեծ և Գորկի փողոցների արևելյան վերջնահատվածում:
Հեռ.՝ +374 (312)-51002
ԱՎՏՈԲՈՒՍԱՅԻՆ /ՄԻԿՐՈԱՎՏՈԲՈՒՍԱՅԻՆ ԾԱՌԱՅՈՒԹՅՈՒՆՆԵՐ
Ամեն օր ժամը 7:00-ից մինչև 20:00 Երևան են մեկնում միկրոավտոբուսներ: Կոնկրետ մեկնելու ժամանակային ցուցակ չկա, մեքենաները շարժվում են, երբ միկրոավտոբուսի բոլոր 15 ուղևորները լրանան: Ավտոկայանը տեղակայված է Շահումյան փողոցի վերջնամասում, այնտեղ հասնելու համար Գյումրու կենտրոնական հրապարակից շուկայի փողոցով անհրաժեշտ է դեպի հարավ իջնել: Ուղևորափոխադրման արժեքը 1500 ՀՀ դրամ է: Նույն երթուղիով աշխատում են նաև տաքսիներ, որի արժեքը մեկ անձի համար 2500 ՀՀ դրամ է: Միկրոավտոբուսներն ու տաքսիները Երևանում հասնում են մինչև Սևանի փողոցում գտնվող Սասունցի Դավթի կայարան և նույն տեղից էլ վերադառնում են Գյումրի:
Գյումրիից Վանաձոր մեկնող ավտոբուսների, միկրոավտոբուսների և տաքսիների արժեքը 800-ից 1200 ՀՀ դրամ է: Ավտոբուսներն ու միկրոավտոբուսները մեկնում են ըստ ժամանակային ցուցակի, իսկ տաքսիները, երբ լրանում են տեղերը:
Հեռ.՝ +374 (312) 551 29
ՆԵՐՔԱՂԱՔԱՅԻՆ
ՏԱՔՍՆԵՐԻ
Գյումրիում տաքսիները էժան են, քաղաքի ներսում մեկ ուղևորափոխադրման արժեքը սովորաբար 500 ՀՀ դրամ է, իսկ հեռու ուղևորափոխադրումը՝ մոտ 1000 ՀՀ դրամ: Քաղաքի ցանկացած մասում հեշտությամբ կարելի է տաքսի գտնել:
ԱՎՏՈԲՈՒՍՆԵՐՆ ՈՒ ՄԻԿՐՈԱՎՏՈԲՈՒՍՆԵՐ
Ներքաղաքային ավտոբուսներն ու միկրոավտոբուսների ուղևորափոխադրումն արժե 100 ՀՀ դրամ: