Սիրելի հայրենակիցնե՛ր,
Այսօր մեր շատ սիրելի Սպարապետի՝ Վազգեն Սարգսյանի ծննդյան օրն է: Նա այսօր կդառնար 57 տարեկան: Մեծ հայորդի, ով դրեց հիմքը հայոց բանակաշինության ու իր մեծ ավանդն ունեցավ բանակի կայացման գործում: Իրեն բնորոշ անհատականության և ուժեղ կամային հատկանիշների շնորհիվ Սպարապետը կարողացավ իր շուրջ համախմբել կամավորների, հաղթանակ տոնելով պարտադրված պատերազմում: Կարճատև կյանքի ընթացքում Սպարապետը կարողացավ իր մեծ ներդրումն ունենալ նաև հայոց պետականության կայացման ու հզորացման գործընթացում:

Փետրվարի 11-ին տեղի ունեցավ «Գյումրին առանց տնակների» ծրագրի շրջանակներում ձևավորված հոգաբարձուների խորհրդի անդամների առաջին հանդիպումը, որը ղեկավարում էր քաղաքապետ Սամվել Բալասանյանը: Հանդիպմանը ներկա էին հոգաբարձուների խորհրդի կազմում ընդգրկված գրեթե բոլոր անդամները՝ գլխավորությամբ Միքայել եպիսկոպոս Աջապահյանի, Ազգային ժողովի պատգամավոր Սուքիաս Ավետիսյանը:

 Փետրվարի 7-ին Գյումրու Մայր Հայաստանի հուշահամալիրի տարածքում անցկացվեց «Բուն Բարեկենդանի» տոնակատարությունը, ինչպես նաև՝ «Գյումրու ձմեռ» ամենամյա միջոցառումը, որին մասնակցում էին Շիրակի թեմի առաջնորդ Միքայել եպիսկոպոս Աջապահյանը, Գյումրու քաղաքապետ Սամվել Բալասանյանը, փոխաքաղաքապետեր Ռուբեն Սանոյանը, Վաղարշակ Մխիթարյանը, Շիրակի փոխմարզպետ Սեյրան Պետրոսյանը և այլք:

Սիրելի՛ հայրենակիցներ,
Ջերմորեն շնորհավորում եմ բոլորիս Հայոց բանակի օրվա կապակցությամբ: Լինելով անկախությունը վերականգնած երկրի առաջին պետական կառույցը՝ մեր բանակը փառավոր հաղթանակ տարավ պարտադրված պատերազմում՝ դառնալով Հայրենիքի սահմանների հուսալի պաշտպան: Գոյության 24 տարիների ընթացքում Հայոց բանակը պատվով իրականացրեց և շարունակում է իրականացնել իր առջև դրված պարտականությունը՝ նվաճելով տարածաշրջանի ամենամարտունակ բանակի տիտղոսը: