Սիրելի աշակերտներ, ուսանողներ, կրթության ոլորտի նվիրյալներ, Ջերմորեն շնորհավորում եմ սեպտեմբերի 1-իՙ նոր ուսումնական տարվա մեկնարկի և Գիտելիքի օրվա կապակցությամբ: Այս օրն առանձնահատուկ խորհուրդ ունի յուրաքանչյուրի համար, իսկ դպրոցի շեմն առաջին անգամ հատող հազարավոր երեխաների համար այն ազդարարում է նաև կյանքի նոր ուղու սկիզբը: 

Գրենական պիտույքներ և պայուսակներ՝ Գյումրու նախակրթարանների սաներին

 Այսօր՝ օգոստոսի 21-ին, տեղի ունեցավ երկրորդական փողոցների տուֆ քարով սալապատման պիլոտային ծրագրով հիմնանորոգված առաջին փողոցի բացումը, որին մասնակցում էր քաղաքապետ Սամվել Բալասանյանը: Քաղաքապետը շնորհավորեց բնակիչներին, խնդրեց հետևողական լինել փողոցի հարակից տարածքների մաքրությանը՝ կարևորելով այս փողոցի բարեկարգումը: Բնակիչներն իրենց հերթին շնորհակալություն հայտնեցին քաղաքապետին՝ նշելով, որ չէին էլ հիշում, թե իրենց փողոցը վերջին անգամ երբ է նորոգվել: Ղուկասյան փողոցի ավելի քան 320մ երկարությամբ հատվածը ընտրվեց պիլոտային ծրագրով բարեկարգման համար դեռևս այս տարվա գարնանը: Այս տարբերակով փողոցաշինությունն ավելի էժան է և դիմացկուն: Քանի որ Գյումրու փողոցների գերակշիռ մասը երկրաշարժից հետո անանցանելի է, քաղաքապետ Սամվել Բալասանյանի՝ երկրորդական փողոցների համար նախաձեռնած սալապատման ծրագիրը, եթե հաջող ընթացք ունենա, մյուս՝ ավելի քիչ երթևեկելի փողոցները ևս կսալապատվեն: Այս տարի տեղական միջոցներով իրականացվում է Գյումրիի համար լայնածավալ փողոցաշինություն: Տեղական բյուջեով նորոգվող 8 փողոցներին այս տարի կառավարության հրատապ ծրագրով կավելանա ևս 3-ը:

 Oգոստոսի 14-ին տեղի ունեցավ Գյումրու Շչեդրին փողոցի՝ Գ. Նժդեհ- Շիրակացի միացնող հատվածի պաշտոնական բացումը; Փողոցն իրար է կապում Տեքստիլ և Պոլիգոն թաղամասերը: Քաղաքապետը շնորհավորեց բնակիչներին, խնդրեց պահպանել փողոցի հարակից տարածքների մաքրությունը, միաժամանակ խոստանալով, հնարավորությունների առկայության դեպքում անդրադառնալ նաև մայթերին: