Այսօր՝ հոկտեմբերի 1-ին, Գյումրու քաղաքապետ Սամվել Բալասանյանը Գյումրու տեխնոլոգիական կենտրոնին հանձնեց Չինաստանի Սիան քաղաքում կնքված հուշագիրը, որով համագործակցության հիմք է դրվում Գյումրիի տեխնոլոգիական կենտրոնի և Սիանի ծրագրային ապահովման պարկի միջև: Երկու երկրների տեխնոլոգիական կենտրոնների միջև հուշագիրը կնքվել էր սեպտեմբերի 25-ին Չինաստանի Սիան քաղաքում կայացած տնտեսական ֆորումի ընթացքում, որի նպատակն է Գյումրին դարձնել տեղեկատվական և բարձր տեխնոլոգիաների միջազգային և տարածաշրջանային կենտրոն:

News.am էլեկտրոնային կայքի՝ «Գյումրիում «Ոչ»-ի ճակատի հանրահավաքի համար հոսանք չեն տրամադրում» հոդվածում նշվել է, որ սեպտեմբերի 25-ին՝ ժամը 18:00-ին «Ոչ»-ի ճակատի հրավիրած հանրահավաքը փորձում են խոչընդոտել, հոսանք չի տրամադրվում:

  Սեպտեմբերի 18-ին Վրաստանի մայրաքաղաք Թբիլիսիում կայացավ տարածաշրջանային համաժողով, որտեղ պաշտոնապես տրվեց Եվրոպական Միության՝ Արևելյան գործընկերության «Մշակույթի և ստեղծարարություն» և Եվրոպա­յի Խորհրդի հետ համատեղ իրականացվող «Համայնքի կողմից իրականացվող քաղաքաշինա­կան ռազմավարությունը պատմական քաղաքներում» (COMUS) ծրագրե­րի մեկնար­կը:
Համաժողովին ներկա էին Եվրամիության, Եվրոպայի Խորհրդի մշակութային ծրագրերի համակարգողները, «Համաշխարհային ժառանգության քաղաքներ կազմակերպության» ներկայացուցիչներ, Բրիտանական խորհրդի և այլ միջազգային կազ­մա­կեր­պու­թյուննե­րի, վերոհիշյալ ծրագրերին միացած 6 երկրների` Հայաստան, Վրաս­տան, Բելառուս, Ուկրաինա, Մոլդովա, Ադրբեջան, պետական այրեր, ծրագրերում ընդգրկված պատմական քաղաքների քաղաքապետեր, ԶԼՄ-ների ներկայա­ցուցիչ­ներ: Հայաստանի պատվիրակությունը ղեկավարում էր ՀՀ մշակույթի նախա­րա­րի տեղակալ Արև Սամուելյանը: Համաժողովին մասնակցում էին նաև Գորիսի քաղա­­քապետ Վաչագան Ադունցը և Գյումրու քաղաքապետի տեղակալ Ռուբեն Սանոյանը: Համաժողովում ներկայացվեցին Արևելյան գործընկերության երեք հիմնական մշակութային ծրագրերը` «Մշակույթ և ստեղծարարություն», COMUS և «Ստեղծագործ Եվրոպա»:

   Սիրելի՛ հայրենակիցներ,

Ի սրտե շնորհավորում եմ մեր երկրի կարևորագույն տոնի՝ Անկախության օրվա կապակցությամբ: 1991թվականի սեպտեմբերի 21-ին իրականացավ հայ ժողովրդի դարավոր երազանքը՝ իր բնօրրանում ձեռք բերել այն գերագույն արժեքը, որն ազգի հարատևման ու արժանապատիվ կյանքի կարևորագույն նախապայմանն է: