Դեկտեմբերի 7-ին ՀՀ փոխվարչապետ Համբարձում Մաթևոսյանի գլխավորությամբ ՀՀ բարձրաստիճան պաշտոնյաներ, Շիրակի մարզպետ Նազելի Բաղդասարյանը, Գյումրի համայնքի ղեկավար Վարդգես Սամսոնյանը, հարյուրավոր գյումրեցիներ ծաղիկներ դրեցին 1988թ.-ի աղետալի երկրաշարժի զոհերի հիշատակը հավերժացնող հուշարձանին: Շիրակի թեմի առաջնորդ Միքայել Արքեպիսկոպոս Աջապահյանի ձեռամբ հոգեհանգստի կարգ մատուցվեց անմեղ զոհերի հիշատակին:

Նոյեմբերի 12-ին 13․00-ին Վանաձորի համայնքապետարանի նիստերի դահլիճում կայացավ ԿԿԿ Դաշինք ծրագրի Աշխատանքային խմբերի պլենար նիստը: Ձևավորվեցին 3 ախատանքային խմբեր՝ քաղաքաշինության, աղբահանության կազմակերպման, հանրային տրանսպորտի ոլորտում։ Աշխատանքային խմբերը ծրագրի փորձագետների հետ համատեղ պետք է աշխատեն համապատասխան ոլորտների քաղաքականությունների, օրենսդրության մշակման և վերլուծության վրա՝ առաջնահերթ խնդիրներով պայմանավորված։ Աշխատանքայն խմբերը կմշակեն առանձին աշխատանքային պլաններ և ժամանակացույցեր։

2021 թվականի ընթացքում տարբեր սպորտաձևերից Օլիմպիական, աշխարհի և Եվրոպայի առաջնություններում չեմպիոններ դարձած և մրցանակային տեղեր զբաղեցրած մարզիկներին և նրանց մարզիչներին այսօր՝ հոկտեմբերի 5-ին, ընդունել ու պարգևատրել է Գյումրի համայնքի ղեկավարի առաջին տեղակալ Ռուբեն Սանոյանը: Մինչ պարգևատրումը, Ռուբեն Սանոյանը ողջույնի ու շնորհակալության իր խոսքն է հղել ներկաներին, ապա նրանց փոխանցել նաև Սամվել Բալասանյանի ողջունի ու շնորհակալությանը խոսքը, որում անդրադարձ էր կատարել նաև մեր մարզիկների հաջողություններին և ձեռքբերումներին:

Սիրելի ուսուցիչներ,

Շնորհավորում եմ ձեզ մասնագիտական տոնի՝ Ուսուցչի օրվա առիթով: Օրն այս ևս մեկ առիթ է երախտիքի խոսքեր հղել ձեզ շնորհակալ և պատվաբեր աշխատանքի համար: Մանկավարժ լինելը նախ և առաջ կոչում է, ապա՝ անսահման նվիրվածություն: Մանկավարժների ջանքերով է յուրաքանչյուրիս կյանքում ուրվագծվում կյանքի ճանապարհային այն քարտեզը, որը հետագայում դառնում է ուղեցույցը ողջ կյանքի ընթացքում: Յուրաքանչյուր պետության կենսագործունեության և ամրության հիմքում որակյալ կրթություն ստացած և բանիմաց քաղաքացին է, իսկ այդ գործում ամենամեծ դերակատարությունն ուսուցչինն է: