Ապրիլի 24-ին՝ Հայոց ցեղասպանության 105-րդ տարելիցի օրը, հայ-թուրքական սահմանին՝ Շիրակի մարզի Խարկով գյուղի տարածքում մոտ 24 մետր բարձրության դրոշ եւ խաչքար տեղադրվեց։ Արարողությանը ներկա էին մարզային ու քաղաքային իշխանության ներկայացուցիչներ՝ գլխավորությամբ Շիրակի մարզպետ Տիգրան Պետրոսյանի, Գյումրու քաղաքապետ Սամվել Բալասանյանի։ Քաղաքապետ Սամվել Բալասանյանը, ողջունելով ներկաներին, կարևորել է նախաձեռնությունն ու միաժամանակ ընդգծել, որ պատմական այս իրողությունն իր դրական ազդեցությունը կունենան զբոսաշրջության զարգացմանն այս տարածաշրջանում։
Ոստիկանության հարգելի՛ աշխատակիցներ, վետերաններ,
Ի սրտե շնորհավորում եմ բոլորիդ մասնագիտական տոնի՝ Ոստիկանության օրվա առիթով: Անուրանալի է ձեր ներդրումը մեր երկրի ու պետականության կայացման գործում: Այսօր էլ, այս դժվարին օրերին, արտակարգ դրության պայմաններում շարունակում եք մեծ նվիրումով ծառայել թե՛ մեր պետությանը, թե՛ մեր ժողովրդին: Ձեր անմիջական ջանքերի շնորհիվ բարձր մակարդակով պահպանվում է հասարակական կարգն ու կանոնը, մեր բոլորի հարմարավետությունն ու անվտանգությունը: Պատասխանատվության բարձր զգացումով, մասնագիտական բարձր որակներով օժտված ոստիկանի ամենօրյա բարեխիղճ աշխատանքը կարևոր ներդրում է բնակչության անվտանգության պահպանման գործում:
Գյումրի համայնքի ավագանին սույն թվականի ապրիլի 10-ի ավագանու նիստին հաստատեց սոցիալապես անապահով թվով 104 անձանց դրամական աջակցություն տրամադրելու հարցը: Տարեսկզբից մինչև մարտ ամիս դրամական աջակցություն ստանալու համար քաղաքապետարան դիմում ներկայացրած և այս ցուցակում ընդգրկված քաղաքացիները զանգի միջոցով տեղեկացվել էին գումարների տրամադրման մասին: Այս պահին ընթանում է գումարների բաշխման գործընթացը: Ոստիկանների անմիջական հսկողությամբ պահպանվում է սոցիալական հեռավորությունը: Գումարների տրամադրումն իրականացվում է մեկ պատուհանի սկզբունքով:
Վերակառուցման և Զարգացման Եվրոպական բանկի ֆինանսավորմամբ իրականաված փողոցաշինական ծրագրի շրջանակներում 2019 թվականին հիմնանորոգված փողոցներում քաղաքապետարանի համապատասխան հանձնաժողովը արձանագրել էր թերթություններ: Այս պահին շինարարը թերությունների վերացման աշխատանքներ է իրականացվում Վազգեն Սարգսյան փողոցում: Վազգեն Սարգսյան փողոցի հիմնանորոգման աշխատանքներն իրականացրել է «ԱԱԲ ՊՐՈՅԵԿՏ» ընկերությունը:
Ելնելով նոր կորոնավիրուսի վարակի տարածման կանխարգելման անհրաժեշտությունից՝ Գյումրի համայնքի ավագանու գործող չորս հանձանժողովների (Ֆինանսավարկային և տնտեսական, Մշակույթի, կրթության, սպորտի և սոցիալական հարցերի, Քաղաքաշինության և հողօգտագործման, Իրավական հարցերով մշտական գործող հանձնաժողովներ) աշխատանքը կազմակերպվեց հեռավար՝ հանձնաժողովի անդամների խմբի շրջանակներում: Հանձնաժողովի անդամները ունեցան հնարավորություն լսելու զեկուցողներին, հարցեր ուղղելու նրանց, ստանալու իրենց հուզող բոլոր հարցերի պատասխանները:
էջ 30 - 133