Հունիսի 2-ին Գյումրի համայնքի ղեկավար Սամվել Բալասանյանն ընդունել է հունիսի 20-ին կայանալիք ԱԺ արտահերթ ընտրությունները դիտարկելու նպատակով Շիրակի մարզ և Գյումրի ժամանած ժողովրդավարական հաստատությունների և մարդու իրավունքների գրասենյակի (ԺՀՄԻԳ) երկարաժամկետ դիտորդներ Ինգո Բուետներին (Գերմանիա) և Կամիլ Ֆորիտին (Ֆրանսիա): Դիտորդները շնորհակալություն են հայտնել ընդունելության համար, հակիրճ ներկայացրել իրենց առաքելության նպատակները, ապա ընտրական գործընթացին առնչվող մի շարք հարցեր հղել համայնքի ղեկավարին:

Սիրելի հայրենակիցներ,

Շնորհավորում եմ Հայաստանի առաջին Հանրապետության օրվա առիթով: 1918թ. մայիսի 28-ին մեր ժողովրդն իր անկոտրում կամքի շնորհիվ կարողացավ իրականություն դարձնել անկախ պետականություն ունենալու դարավոր ձգտումը: Պատմական մի իրողություն, որը, միավորելով մեր ժողովրդին, ևս մեկ անգամ խոսում է նրա ազատատենչ ոգու և հայրենանվեր լինելու մասին:

ՀՀ տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը Շիրակի մարզպետ Հովհաննես Հարությունյանի և Գյումրի համայնքի ղեկավար Սամվել Բալասանյանի ուղեկցությամբ շրջել է հիմնանորոգվող փողոցներում, տեղում հետևել աշխատանքների ընթացքին: Յուրաքանչյուր փողոցում Սամվել Բալասանյանը ներկայացրել է կատարված աշխատանքներն ու առաջիկա անելիքները, խոսել աշխատանքների ընթացքում առաջ եկող խնդիրների, դրանց լուծման տարբերակների և մի շարք այլ հարցերի մասին:

Սիրելի հայրենակիցներ,

Շնորհավորում եմ ձեզ Աշխատանքի օրվա՝ Մայիսի 1-ի կապակցությամբ։ Ավանդաբար նշվող այս տոնը ևս մեկ առիթ է մեծարելու աշխատավորին։ Հայ ժողովուրդը մշտապես առանձնացել է իր աշխատասիրությամբ, արարելու մեծ ձգտումով, ստեղծագործական անսպառ մտքով։ Չնայած առկա բոլոր դժվարությունների, ժամանակի մարտահրավերների՝ անում ենք հնարավոր ամեն բան մեր սիրելի քաղաքում արժանապատիվ վաստակի հնարավորությունները մեծացնելու և մեր ժողովրդի բարօրությունն ապահովելու համար։