Home Տեղեկատվական կենտրոն Նորություններ

Օգոստոսի 28-ին Գյումրու քաղաքապետ Սամվել Բալասանյանն ընդունեց լիբանանցի գործարարներից և պետական պաշտոնյաներից կազմված պատվիրակությանը, որը գլխավորում էր Լիբանանի Զահլե քաղաքի քաղաքապետ Ասադ Զղեիբը: Պատվիրակությունը Հայաստանում է Բիզնես Արմենիայի և լիբանանյան «Գարդենիա Գրեյն Դոր» ընկերության համագործակցության արդյունքում: Քաղաքապետ Սամվել Բալասանյանը ողջունեց պատվիրակության այցը Գյումրի, ապա հյուրերին ներկայացրեց պատմամշակութային հարուստ ժառանգություն ունեցող Գյումրին իր վարք ու բարքով, նիստ ու կացով: Քաղաքապետն իր խոսքում պատրաստակամություն հայտնեց հետագա համագործակցության և կապերի ամրապնդման: Զահլե քաղաքի քաղաքապետը ևս խոսեց համագործակցության պատրաստակամության և կապերի ամրապնդման մասին:

 
 

Սիրելի՛ երիտասարդներ,

Ի սրտե շնորհավորում եմ բոլորիդ Երիտասարդության միջազգային օրվա կապակցությամբ: Երիտասարդությունը հասարակության շարժիչ ուժն է և հայ երիտասարդն դա ամեն անգամ կարողանում է ապացուցել իր համախմբվածության, անկոտրում կամքի և նպատակասլացության շնորհիվ: Ձեր ձգտումներով, երազանքներով ու հաստատակամությամբ է պայմանավորված մեր պետության վաղվա օրը: Կարևորելով երիտասարդության դերը հասարակական, քաղաքական և սոցիալտնտեսական ոլորտներում՝ վստահեցնում եմ, որ Գյումրու քաղաքապետարանը պատրաստ է օժանդակելու կառուցողական ձեր բոլոր նախաձեռնություններին, միասին կյանքի կոչելու իրատեսական ցանկացած ծրագիր, որը նպատակաուղղված կլինի մեր հայրենի քաղաքի շենացմանն ու հասարակական կյանքում երիտասարդության ակտիվացմանը: Եվս մեկ անգամ շնորհավորելով բոլորիդ այս հրաշատլի օրվա կապակցությամբ՝ մաղթում եմ ձեզ քաջառողջություն, լավատեսություն և նպատակասլացություն:

 
 
 

Գյումրու քաղաքապետ Սամվել Բալասանյանն այսօր խորհրդակցության էր հրավիրել փողոցաշինական աշխատանքների պատասխանատու կառույցների ներկայացուցիչներին: Խորհրդակցության ընթացքում քննարկվեց աշխատանքներին վերաբերող բազմաթիվ հարցեր: Քաղաքապետը պատասխանատուներին հորդորեց աշխատել կանոնակարգված՝ պահպանելով քաղաքաշինական բոլոր նորմերը:

 
 
 

Հուլիսի 27-ին Գյումրու քաղաքապետարանում տեղի ունեցավ փոխքաղաքապետ Ռ.Սանոյանի հանդիպումը Նյու-Յորքի Բրուկլինի հայ համայնքի «Աստղիկներ» երգչախմբի, «Արոնյանի անվան շախմատի ակումբի» սաների, ծնողների և ղեկավարների հետ: Հանդիպումը անցավ ջերմ, անմիջական մթնոլորտում: «Աստղիկներ» երգչախումբը ստեղծվել է 2015 թվականին Բրուկլինի կիրակնօրյա դպրոցին կից: Երգչախմբի գեղարվեստական ղեկավարն ու խմբավարն է Մարիա Սահակյանը: Երգչախմբում ընդգրկված են 4-18 տարեկան երեխաներ:

 
 
 

Հուլիսի 13-ին Մհեր Մկրտչյան 47/6 հասցեում հիմք դրվեց «Հովհաննես Օյունջյան» համերգասրահի կառուցմանը, որի նախաձեռնությամբ հանդես է եկել նյույորքաբնակ բարերար, «Օյունջյան» բարեգործական հիմնադրամի հիմնադիր բժիշկ Հովհաննես Օյունջյանը: Հիմնարկեքի արարողությունը տեղի ունեցավ մեծ բարերաի ծննդյան օրը: Քաղաքապետը ողջունելով ներկաներին՝ շնորհավորեց բժկին ծննդյան օրվա կապակցությամբ, ապա խոսեց մեծ բարերարի գործունեության, մինչ այս Գյումրիում իրականացրած ծրագրերի մասին. -Շատ մեծ մարդ եք, շատ մեծ բարերար եք, մարդ որը նորից ուզում է այստեղ կառուցել: Մեկ տարի առաջ, երբ բացում էինք «Վարդուհի» արվեստի դպրոցը՝ այդ ժամանկ բժիշկն ասեց, որ մի շենք էլ է ուզում կառուցել, համերգասրահ, որը չկա մեր քաղաքում: Այս շենքերի կառուցմամբ դուք համալրեցիք այս թաղամասը, նպաստեցիք թաղամասի երեխաների կրթական, մշակութային դաստիարակությանը: Հայ ազգը, գյումրեցին կյանքում Ձեզ չի մոռանա,-ավելացրեց քաղաքապետը:

 
 
 
<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>

էջ 10 - 97