Home Տեղեկատվական կենտրոն Նորություններ

Մայիսի 31-ին Գյումրու քաղաքապետ Սամվել Բալասանյանն ընդունեց Արցախի Հանրապետության մշակույթի, երիտասարդության հարցերի և զբոսաշրջության նախարար Սերգեյ Շահվերդյանին: Քաղաքապետը ողջունեց հյուրերի այցը Գյումրի, ապա հետաքրքվեց քաղաքից ստացած տպավորություններով: Քաղաքապետը հյուրերին ներկայացրեց Գյումրին ու Գյումրու մշակույթը, ապա հետաքրքրվեց Արցախի մշակույթով:

 
 

Սիրելի հայրենակիցներ,

Շնորհավորում եմ Հայաստանի առաջին հանրապետության օրվա առթիվ: 1918թ. մայիսի 28-ին մեր ժողովրդն իր միասնականության, անկոտրում կամքի շնորհիվ կարողացավ իրականություն դարձնել անկախ պետականություն ունենալու դարավոր ձգտումը: Շարունակվող ցեղասպանության, զանգվածային տեղահանությունների, սովի ու համաճարակի պայմաններում հայ ժողովուրդը կարողացավ սխրանքներ գործել Բաշ, Ապարանում, Ղարաքիլիսայում և Սարդարապատում՝ ջախջախելով թուրքական զորքին՝ հիմք դառնալով Հայաստանի առաջին հանրապետություն կերտման:

Թեև Հայաստանի առաջին հանրապետությունը կարճ կյանք ունեցավ, բայց ազատ, անկախ, ինքնիշխան ու հզոր պետություն ունենալու գաղափարն ու ձգտումը հայ ազգը փոխանցեց սերնդե-սերունդ՝ այն իրականություն դարձնելով 1980-ական թվականների վերջին: Վստահ եմ՝ հայ ժողովուրդն իր անկոտրում կամքը և միասնականությունը կկարողանա լավագույնս դրսևորել բոլոր ժամանակների մեր հաղթանակները պահելու և դրանք ամրապնդելու գործում:

Եվս մեկ անգամ շնորհավորելով բոլորիս՝ մաղթում եմ քաջառողջություն, խաղաղություն և անամպ երկինք:

 
 
 

Սիրելի՛ շրջանավարտներ,

Ձեր բոլորի կյանքում այսօր հիշարժան օր է: Դուք հրաժեշտ եք տալիս ձեր հարազատ կրթօջախներին, ընկերներին ու ուսուցիչներին: Դպրոցական վերջին դաս ու վերջին զանգ, որ ազդարարում են կյանքի անհոգ փուլի ավարտ և մի նոր ու պատասխանատու փուլի սկիզբ: Այս փուլում ձեզանից յուրաքանչյուրը պետք է լինի առավել զգոն՝ նոր ուղու ձևավորման, լավ ապագայի կերտման համար: Մասնագիտական ճիշտ ընտրություն ու որակյալ կրթություն ստացած քաղաքացիներն այսօր մեր երկրի կայուն զարգացման և հզորացման հենասյուներն են: Վստահ եմ՝ դուք ևս ձեր մեծ լուման կունենաք այդ գործում:

Շնորհավորանքի և երախտիքի իմ խոսքն եմ հղում նաև բոլոր ուսուցիչներին և շրջանավարտների ծնողներին, ովքեր իրենց ներդրումն ու ջանքերն ունեն ազնիվ, գիտակ հայորդու և արժանապատիվ քաղաքացու կայացման գործում:

Սիրելի շրջանավարտներ, ևս մեկ անգամ շնորհավորում եմ ձեզ այս գեղեցիկ օրվա կապակցությամբ՝ մաղթելով քաջառողջություն, հաջողություններ և նորանոր նվաճում ձեր նոր կյանքի ճանապարհին:

 
 
 

Մայիսի 25-ին Գյումրու քաղաքապետ Սամվել Բալասանյանն ընդունեց աշխարհահռչակ ջազ երգչուհի Տաթևիկ Հովհաննիսյանին: Քաղաքապետը ողջույնի և երախտիքի իր խոսքը հղեց ամերիկաբնակ ջազ երգչուհուն՝ Գյումրի կատարած այցի և գյումրեցի հանդիսատեսին համերգային ծրագրով ներկայանալու համար: Տաթևիկ Հովհաննիսյանը շնորհակալություն հայտնեց ընդունելության և ջերմ վերաբերմունքի համար, ապա իր խոսքում ընդգծեց, որ ամեն անգամ Գյումրի գալիս է մեծ սիրով և ոգևորվածությամբ: Հանդիպման ընթացքում երգչուհին կիսվեց քաղաքի հին ու նոր ճարտարապետությունից ստացած իր տպավորություններով, միաժամանակ ընդգծելով, որ իրեն առավել գրավում է հին Գյումրին: Նվերներից զատ՝ քաղաքապետը Տաթևիկ Հովհաննիսյանին փոխանցեց շնորհակալագիր՝ ջազային արվեստում ունեցած ներդրման, արտերկրում հայկական ջազի պրոպագանդման և տարածման համար:

 
 
 

Մայիսի 23-ին Գյումրու քաղաքապետ Սամվել Բալասանյանն ընդունեց ուժային եռամարտի աշխարհի 28-րդ առաջնության բացարձակ հաղթող գյումրեցի Դավիթ Պետրոսյանին և փոխչեմպիոն Արթուր Ավետիսյանին: Ուկրաինայի Լուցկ քաղաքում ընթացած առաջնությանը Դավիթ Պետրոսյանը նվաճել է 3 ոսկե մեդալ՝ դառնալով բացարձակ հաղթող, իսկ մարզիկ և մարզիչ Արթուր Ավետիսյանը՝ նվաճել է արծաթե մեդալ: Քաղաքապետը ողջունեց ու շնորհավորեց մարզիկներին, ապա հետաքրքրվեց առաջնության ընթացի և առաջիկա մրցաշարերի մասին: Ուժային եռամարտը իրենից ներկայացնում է ուժային երեք ձև՝ հենում պարկած դիրքից, կքանիստ և ձգում: Մարզաձևը աշխարհում հայտնի է արդեն մի քանի տասնյակ տարի: Հայաստանի հավաքականը մեկ տասնյակից ավելի մասնակցում է ուժային եռամարտի աշխարհի և եվրոպայի առաջնություններին: Այս տարի ուժային եռամարտի աշխարհի 28-րդ առաջնությունը Հայաստանի հավաքականը մասնակցել է 23 հոգանոց կազմով:

 
 
 
<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>

էջ 7 - 92