Բոլորս միասին մեր ուժերով բարեկարգում ենք Աբովյան (Ալեքսանդրովսկի) փողոցը: Փողոցի բարեկարգման աշխատանքներին քաղաքապետ Սամվել Բալասանյանի նախաձեռնությամբ և հանձնարարությամբ ներգրավվել է Գյումրու քաղաքապետարանի աշխատակազմը ՙ քաղաքապետի գլխավորությամբ:

 Սեպտեմբերի 9-ին Գյումրիում մեկնարկեց փողոցաշինության նոր պիլոտային ծրագիր: «Անի» թաղամասի Պարույր Սևակ փողոցի վերջնամասից դեպի «Էմիլի Արեգակ» տանող փողոցը մի քանի օրից կասֆալտապատվի բոլորովին նոր տեխնոլոգիայով: Աշխատանքների մեծ մասը կատարվում է տեխնիկայի միջոցով: Այստեղ հիմնային շերտը ոչ թե խիճն է, այլ բետոնը, որը ստանում են հենց տեղում և որի վրա արդեն կատարվելու է ասֆալտապատումը: Աշխատանքների մեկնարկին այսօր հետևում էր նաև Գյումրու քաղաքապետ Սամվել Բալասանյանը, ով նշեց, թե այս տարի քաղաքում արդեն երկրորդ պիլոտային ծրագիրն է անցկացվում, որից ևս սպասելիքները շատ մեծ են: Եթե արդյունքը գոհացուցիչ լինի, ապա այս եղանակով կբարեկարգվեն քաղաքի շատ փողոցներ, քանի որ այն ֆինանսապես ավելի մատչելի է ավանդական ասֆալտապատումից: Գրեթե նույն գումարն է, ինչ սալապատումը, սակայն, ի տարբերություն սալապատման՝ աշխատանքները կարելի կլինի ավարտել հաշված օրերի ընթացքում:

  Գյումրու Հոկտեմբեր կինոթատրոնում Ոսկե ծիրան կինոփառատոնի շրջանակներում տեղի ունեցավ վերջին ֆիլմի դիտումը, որին ներկա էին կազմակերպիչները, մարզային ու քաղաքային իշխանությունները, արվեստագետներ, գյումրեցիներ:Կինոփառատոնի տնօրեն Հարություն Խաչատրյանն էլ նշեց, թե տեսնելով գյումրեցիների վերաբերմունքը, մշակութային միջոցառումներին մասնակցելու նվիրումը՝ կինոփառատոնը կշարունակի հանդես գալ Գյումրիում: