Սիրելի հայրենակիցներ,
Շնորհավորում եմ բոլորին փառապանծ տոնի առիթով: Տոն, որ տրվել է մեզ և առհավատչյան է անզիջում պայքարի, ուժեղ կամքի և բարձր մարտական ոգու: Տարիների հեռվից հիշեցնում և մեր խոնարհումն ենք բերում պատմության փառապանծ էջերի կերտման գործում իրենց կյանքը զոհաբերած քաջորդիների հիշատակին:

Կրթական համագործակցություն՝ Գյումրի և Տվեր քույր քաղաքների միջև: Երկու քաղաքների միջև 2022 թվականի հուլիսին կնքվել էր համագործակցության համաձայնագիր՝ կարևորելով բաց երկխոսության, գործընկերության և փոխշահավետ կապերի ընդլայնման, փորձի փոխանակման և համատեղ նախագծերի իրականացման պայմանների ստեղծումը։ Կողմերը կարևորել են նաև երկու քաղաքների համագործակցությունը սպորտի, մշակույթի, տեղեկատվական տեխնոլոգիաների, տուրիզմի և թեթև արդյունաբերության ոլորտներում:

Սիրելի՛ հայրենակիցներ,
Շնորհավորում եմ բոլորիս մեր երկրի կարևորագույն տոնի՝ Անկախության օրվա առիթով: Անկախ պետականության 31 տարիների ընթացքում Հայաստանը բարդ ու դժվարին ճանապարհ է անցել` ունեցել և ձեռքբերումներ, և անկումներ։ Այսօր էլ մեր երկիրը դժվարին ժամանակահատվածում է գտնվում և, առավել քան երբևէ, այս փուլում կարևոր է յուրաքանչյուրիս ջանքը՝ թանկ գնով ձեռք բերված անկախության պահպանման, երկրի կայունացման ու հզորացման գործում։ Այս օրերին սահմանին կանգնած մեր քաջորդիների սխրանքները և արյան գնով մեր հողը պահող մեր զավակների նվիրումը մեզ ուժ է տալիս ու միաժամանակ պարտավորեցնում չընկրկելու, չկոտրվելու և մեր ազնիվ պայքարը շարունակելու։

Սիրելի՛ դպրոցականներ, ուսանողներ, կրթության ոլորտի հարգելի՛ ներկայացուցիչներ,
Ընդունեք իմ ջերմագին շնորհավորանքները սեպտեմբերի 1-ի՝ Գիտելիքի օրվա առիթով: Օրն այս սպասված և սիրված է բոլորիս կողմից։ Կրթությունն ու գիտելիքը եղել և մնում է մարդկային արժեհամակարգի ձևավորման հենասյունը, յուրաքանչյուր անհատի կայացման կարևորագույն նախապայմանը, մեր պետության կայուն զարգացման երաշխավորը: Առանց գիտելիքահենք հասարակության՝ դժվար է պատկերացնել երկրի զարգացումն ու հզորացումը։
Առանձնակի ջերմությամբ ուզում եմ շնորհավորել գիտելիքի աշխարհ մուտք գործող բոլոր առաջին դասարանցիներին, բուհերի առաջին կուրսեցիներին։ Օր այս նրանց համար կրկնակի պատասխանատու և կարևոր է, քանզի այն ազդարարում է կյանքի մի նոր փուլ։ Կյանքի այս փուլում բոլորիդ մաղթում եմ լուսավոր ճանապարհ, բարձր առաջադիմություն և գիտելիքներով հարուստ տարիներ: