Սիրելի գյումրեցինե՛ր,

Սեպտեմբերի 30-ին Գյումրին նշում է քաղաքի օրը, որի շրջանակներում քաղաքի բոլոր հատվածներում այդ օրն անցկացվելու են տարատեսակ միջոցառումներ: Սեպտեմբերի 30-ին բոլորին սիրով հրավիրում ենք միասին տոնելու Գյումրու օրը և մասնակիցը դառնալու անցկացվելիք միջոցառումներին:

«Մաքուր Հայաստան» ծրագրի շրջանակներում սույն թվականի սեպտեմբերի 8-ին հայտարարված է համապետական շաբաթօրյակ: Կոչ ենք անում մեր բոլոր քաղաքացիներին, հիմնարկ ձեռնարկություններին, կազմակերպություններին, ուսումնական հաստատություններին, հասարակական կազմակերպություններին ցուցաբերել ակտիվություն՝ քաղաքի մաքրման գործում: Քաղաքապետարանը հնարավորություն ունի տրամադրել ինքնաթափ բեռնատար ավտոմեքենաներ՝ կուտակված աղբը տեղափոխելու համար:

Անհրաժեշտության դեպքում դիմել քաղաքապետարանի բնակկոմունալ և շրջակա միջավայրի պահպանության բաժին հեռ` (0312 2-22-26)

2018 թվականի սեպտեմբերի 11-ին ժամը 12:00-ին Գյումրու համայնքապետարանի վարչական շենքում (Վարդանանց հր. 1, 2-րդ հարկ, նիստերի դահլիճ) կկայանա Գյումրի համայնքի ավագանու հինգերորդ նստաշրջանի հերթական առաջին նիստը: Ավագանու անդամների գրանցումը՝ սկսած ժամը 11:00-ից:

Հարգելի համաքաղաքացիներ,

Վերակառուցման և զարգացման եվրոպական բանկի «Կանաչ քաղաքներ» ծրագրի շրջանակներում սույն թվականի սեպտեմբերի 19-ին Գյումրու քաղաքապետարանում տեղի կունենա աշխատանքային առաջին հանդիպումը՝ ծրագիրը կազմող փորձագետների հետ:

Հանդիպմանը մասնակցելու ցանկություն ունեցող շահագրգիռ բոլոր անձանց, կազմակերպություններին, անհատներին խնդրվում է մինչև սույն թվականի օգոստոսի 28-ը ներառյալ մասնակցությունը հաստատել՝ զանգահարելով 0312 2 22 36 հեռախոսահամարով կամ տվյալներն ուղարկել Այս էլ.փոստի հասցեն պահպանված է spam bots-երից, պետք է Javascript-ին հնարավորություն տալ դիտելու համար էլեկտրոնային հասցեին:

Հանդիպման ժամի մասին տեղեկատվությունը լրացուցիչ կտրամադրվի: