Հայաստանի Հանրապետության Շիրակի մարզի Գյումրի համայնքի տրանսպորտային պարկի համալրման նպատակով, ղեկավարվելով «Տեղական ինքնակառավարման մասին» օրենքի 18-րդ հոդվածի 1–ին մասի 4-րդ և 25-րդ կետերով և Հայաստանի Հանրապետության Կառավարության 2006 թվականի նոյեմբերի 16-ի թիվ 1708-Ն որոշման 1-ին կետի 2-րդ և 3-րդ ենթակետերով հաստատված կարգերի դրույթներով և հաշվի առնելով հանրային բաց լսման և քննարկման արդյունքները՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Տալ համաձայնություն` Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված «Գյումրի համայնքի կարիքների համար անհրաժեշտ տեխնիկաների և գույքի ձեռքբերում» (այսուհետ՝ ծրագիր) սուբվենցիոն հայտին՝ համաձայն հավելվածի։
2. Սահմանել, որ
1) ծրագրի ընդհանուր արժեքը կազմում է 170 235 194 (մեկ հարյուր յոթանասուն միլիոն երկու հարյուր երեսունհինգ հազար մեկ հարյուր իննսունչորս) Հայաստանի Հանրապետության դրամ, որից համայնքի ներդրման մասնաբաժինը կազմում՝ 93 629 356 (իննսուներեք միլիոն վեց հարյուր քսանինը հազար երեք հարյուր հիսունվեց) Հայաստանի Հանրապետության դրամ՝ Հայաստանի Հանրապետության Շիրակի մարզի Գյումրի համայնքի 2024 թ. բյուջեի 6/4/1 գործառնական դասակարգման (5129) «Այլ մեքենաներ և այլ սարքավորումներ» տնտեսագիտական դասակարգման հոդվածից,
2) ծրագրի իրականացման հետ առնչվող այլ փաստաթղթերի ստորագրումը, դրանցից բխող գործառույթների կազմակերպումն իրականացնում է Հայաստանի Հանրապետության Շիրակի մարզի Գյումրի համայնքի ղեկավարը։
3. Սույն որոշումն ուժի մեջ է մտնում հրապարակման օրվան հաջորդող օրվանից։ |