Home Տեղեկատվական կենտրոն Նորություններ

Սուրբ Հարության տոնի՝ Զատիկին ընդառաջ Գյումրի համայնքի ղեկավար Վարդգես Սամսոնյանն այցելել է «ԱՌԴԱ» բարեգործական հիմնադրամի միջոցներով կառուցված շենքի բնակիչներին, շնորհավորել գալիք տոնի կապակցությամբ, զրուցել բնակիչների հետ, լսել նրանց կողմից բարձրացված հարցերն ու խնդիրները:

 
 

Ոստիկանության հարգելի՛ աշխատակիցներ, վետերաններ,

Շնորհավորում եմ բոլորիդ մասնագիտական տոնի՝ Ոստիկանության օրվա առիթով: Անգնահատելի է ձեր ներդրումը մեր երկրի ու պետականության կայացման գործում: Բոլոր ժամանակներում, անկախ իրավիճակներից, դուք մեծ նվիրումով ծառայում եք թե՛ մեր պետությանը, թե՛ մեր ժողովրդին: Ձեր ամենօրյա բարեխիղճ աշխատանքն ու անձնական նվիրումը կարևոր ներդրում է բնակչության անվտանգության պահպանման գործում:

 

 
 
 

Գյումրին և Մոն դը Մարսանը կնքեցին քույր քաղաքների հուշագիր
Հուշագրի ստորագրման արարողությունը տեղի ունեցավ Մոն դը Մարսանի քաղաքապետարանում: Մինչ հուշագրի ստորագրումը՝ կողմերը խոսեցին երկու քաղաքների միջև մինչ այս եղած կապերի, հուշագրի ստորագրումից հետո համագործակցային ծրագրերի, դրանց շրջնակներում անհրաժեշտ աշխատանքների մասին: Ողջույնի իր խոսքում Մոն դը Մարսանի քաղաքապետ Շառլ Դայոն նաև շնորհակալություն հայտնեց Գյումրու քաղաքային իշխանություններին՝ համագործակցային այս ծրագրի իրկանացման համար ներդրած ջանքերի համար: Ողջույնի և շորհակալության խոսքով հանդես եկավ նաև Գյումրի համայնքի ղեկավարի առաջին տեղակալ Արթուր Պապիկյանը, ապա իր խոսքում կարևորեց հուշագրի կնքումը, խոսեց մի շարք ոլորտերում հետագա համագործակցությունների մասին:

 
 
 

Ֆրանսիայի Մոն դը Մարսան քաղաքում տեղի է ունեցել խաչքարի բացումը:
Խաչքարը Մոն դը Մարսանին՝ Գյումրու նվերն է, հեղինակը՝ գյումրեցի ճարտարապետ Սուրեն Կուրազյանն է: Խաչքարի բացման արարողությանը ներկա են եղել Ֆրանսիայում Հայաստանի դեսպան Հասմիկ Տոլմաջյանը, բարձրաստիճան պաշտոնյաններ ֆրանսիայից, ոչ միայն Մոն դը Մարսանում բնակվող այլ նաև՝ Ֆրանսիայի տարբեր անկյուններում ապրող հարյուրավոր հայեր: Մինչ բացման արարողությունը՝ ողջույնի խոսքով հանդես է եկել Գյումրի համայնքի ղեկավարի առաջին տեղակալ Արթուր Պապիկյանը: Ողջունելով բոլորին՝ Արթուր Պապիկյանը ներկաներին փոխանցել է Գյումրի համայնքի ղեկավար Վարդգես Սամսոնյանի ողջույնի խոսքը, որում մասնավորապես նշված էր. «Թույլ տվեք նախեւառաջ շնորհակալություն հայտնել ձեզ՝ բարեկամական մոտեցման ու հենց Գյումրիի հետ քույր քաղաքների հուշագիր կնքելու ձեր ցանկության համար։ Գիտեմ որ, Մոն դը Մարսանը մշակութային քաղաք է. ձեր քաղաքի թատրոնի համբավը հնչեղ է նաեւ ձեր երկրի սահմաններից դուրս։ Վստահ եմ՝ նաեւ այս դաշտում կարող ենք հետաքրքիր համագործակցություն նախատեսել։ Ինչպես ես, այնպես էլ իմ գործընկերները շատ ոգեւորված են քույր քաղաքներ դառնալու այս նախաձեռնությամբ եւ այդ ոգեւորությունը ծնվել է այն ժամանակ, երբ դուք էիք Գյումրիում եւ կրկնապատկված է հիմա, երբ մենք ենք այստեղ։

 
 
 

Քաղաքային իշխանության մի խումբ ներկայացուցիչներ՝ գլխավորությամբ Գյումրի համայնքի ղեկավար Վարդգես Սամսոնյանի, ապրիլի 2-ին այցելեցին «Շիրակ» գերեզմանատան «Ազատամարտիկների պանթեոն»՝ հարգանքի տուրք մատուցելու 2016 թվականի ապրիլի քառօրյա մարտական գոծողություններում զոհված քաջորդիների հիշատակին:

 
 
 
<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>

էջ 4 - 119