Home Տեղեկատվական կենտրոն Նորություններ

Մարտի 31-ին Գյումրի համայնքի ղեկավար Սամվել Բալասանյանն ընդունեց ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինին: Սամվել Բալասանյանը ողջունեց Սերգեյ Կոպիրկինի այցը Գյումրի, ապա հանդիպման կողմերը խոսեցին հայ-ռուսական դարավոր բարեկամության և համագործակցությունների մասին: Համայնքի ղեկավարը դեսպանին ներկայացրեց նաև այս պահին Գյումրիում իրականացվող ծրագրերը, խոսեց զբոսաշրջության ոլորտում Գյումրու պոտենցիալի, ոլորտի վրա համավարակի ունեցած բացասական ազդեցության և մի շարք այլ հարցերի մասին:

 
 

Սիրելի՛ կանայք

Շնորհավորում եմ բոլորիդ գարնանային ամենագեղեցիկ տոնի՝ Մարտի 8-ի կապակցությամբ: Անգնահատելի է հայ մայրերի, կանանց դերը մեր սերունդների դաստիարակության և ազգային ավանդույթների պահպանման գործում` վկան մեր երկրի համար ծանրագույն շրջանում սահմանին և թիկունքում հերոսաբար պայքարող մեր զավակները: Սիրելի կանայք, ձեր անսահման նվիրվածության, անձնազոհության, սիրո և տոկունության շնորհիվ երաշխավորված է հայ ազգի հարատևությունը: Ձեզ բնորոշ յուրահատուկ հոգատարությամբ, բարությամբ ու համբերատարությամբ դուք մշտապես կարողանում եք հաղթահարել բոլոր դժվարությունները, անգամ ամենածանր պահերին միայն ու միայն լավատեսություն և ներդաշնակություն տարածում ամենուր:

 

 
 
 

Համայնքային իշխանության ներկայացուցիչներ՝ գլխավորությամբ Գյումրի համայնքի ղեկավարի տեղակալ Հայկ Սուլթանյանի, ծաղիկներ դրեցին Վազգեն Սարգսյանի կիսանդրու մոտ` հարգանքի տուրք մատուցելով նրա հիշատակին:

 
 
 

Մարտի 4-ին Շիրակի մարզպետարանում տեղի «Երկրաֆիզիկոս Սերգեյ Նազարեթյանի գիտական 50-ամյա գործունեությունը» խորագրով գրքի շնորհանդեսը: Շնորհանդեսին ներկա էին Շիրակի մարզպետի տեղակալ Դավիթ Սեխլեյանը, Գյումրի համայնքի ղեկավարի տեղակալ Հայկ Սուլթանյանը, մտավորականներ և այլք:

 
 
 

Մարտի 2-ին Գյումրի համայնքի ղեկավար Սամվել Բալասանյանն ընդունեց ՀՀ-ում Մեծ Բրիտանիայի դեսպանի ժամանակավոր հավատարմատար՝ Հելեն Ֆեյզիին: Սամվել Բալասանյանը ողջունեց Հելեն Ֆեյզիի այցը Գյումրի, ապա ներկայացրեց Գյումրին իր պատմությամբ, խոսեց ընթացքի մեջ գտնվող ծրագրերի, զբոսաշրջության ոլորտում Գյումրիում գրանցված ակտիվության, ոլորտի վրա համավարակի ունեցած բացասական ազդեցության և մի շարք այլ հարցերի մասին:

 
 
 
<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>

էջ 4 - 112