Տեղեկատվական կենտրոն Նորություններ «Եվրասիական տնտեսական ֆորում 2013» ին ելույթ ունեցավ Գյումրու քաղաքապետ Սամվել Բալասանյանը
Այսօր՝ սեպտեմբերի 26 ին, Չինաստանի Սիան քաղաքում տեղի ունեցավ «Եվրասիական տնտեսական ֆորում 2013» ի բացման հանդիսավոր արարողությունը, որին ներկա էր ֆորումին մասակցելու նպատակով Չինաստան հրավիրված Գյումրու քաղաքապետ Սամվել Բալասանյանը: Բացման խոսքով հանդես եկան ՉԺՀ ի կենտրոնական և տեղական իշխանությունների բարձրաստիճան ներկայացուցիչներ, Աֆղանստանի նախագահը, Ուկրաինայի փոխվարչապետը և այլոք:
Հանդիսավոր մասի ավարտից հետո ելույթով հանդես եկավ Գյումրու քաղաքապետ Սամվել Բալասանյանը, ով նախ խոսեց հայ-չինական դարավոր, բարեկամական հարաբերություններից, Հայաստանի և Չինաստանի միջև առկա միջպետական տնտեսական համագործակցությունից, ապա մանրամասն ներկայացրեց Գյումրիում չինական և այլ աղբյուրների ներդրումների համար առավել հավանական ուղղությունները, որոնց շարքում քաղաքապետն առանձնացրեց այլընտրանքային էներգետիկայի, բարձր տեխնոլոգիաների, տեքստիլ արդյունաբերության և սպորտի ոլորտները:
Օրվա ընթացքում, ծրագրային հանդիպումներից զատ, Գյումրու քաղաքապետը քննարկումներ ունեցավ Ուզբեկստանի, Թուրքմենստանի և Չինաստանի մի շարք քաղաքների իր պաշտոնակիցների հետ, որոնց ընթացքում կողմերը մտքեր փոխանակեցին քաղաքների միջև համագործակցության հնարավոր ձևաչափերի, տարբեր ոլորտներում փորձի փոխանակում իրականացնելու հնարավորությունների մասին:
