Գյումրու քաղաքապետ Սամվել Բալասանյանն այսօր աշխատանքային շրջայց կատարեց քաղաքի Վազգեն Սարգսյան փողոցով

Գյումրու քաղաքապետ Սամվել Բալասանյանն այսօր աշխատանքային շրջայց կատարեց քաղաքի Վազգեն Սարգսյան փողոցով, որտեղ ընթանում էին Գյումրի գետակի հունի մաքրման աշխատանքներ: Գետակը, որն իրենցի ներկայացնում է նաև սելավատար, աղբի կուտակման պատճառով սկսել էր լուրջ վտանգ ներկայացնել շրջակայքի համար: Ծանոթանալով իրականացվող աշխատանքներին` քաղաքապետ Սամվել Բալասանյանը կարևորեց Գյումրի գետակի և քաղաքի մյուս սելավատարի մաքրման աշխատանքները հնարավորինս արագ և որակով անցկացնելու անհրաժեշտությունը: