Գյումրու Նորավան թաղամասում, Գարեգին Նժդեհի հրապարակի տարածքում բացվեց նոր խաղահրապարակ, որին ներկա էին նաև Գյումրու քաղաքապետ Սամվել Բալասանյանը, փոխքաղաքապետ Ռուբեն Սանոյանը: Տարածքի բարեկարգման և խաղահրապարակի տեղադրման նախաձեռնությունը ավագանու անդամ Արամայիս Գրիգորյանին էր: Քաղաքապետը, կատարված աշխատանքների համար շնորհակալություն հայտնելով Արամայիս Գրիգորյանին, կարևորեց խաղահրապարակի առկայությունը երեխաների համար: Քաղաքապետը ողջունեց նաև տարածքում հավաքված Նորավան թաղամասի բնակիչներին՝ շնորհավորելով նոր խաղահրապարակի բացման առթիվ: Թաղամասի բնակիչներին քաղաքապետը հորդորեց՝ այսուհետ առավել հետևողական լինել տարածքի պահպանման հարցում: