Home Information Center News Տեղի ունեցավ «Սուրբ Մարիամ» մանկապարտեզի բացումը

Տեղի ունեցավ «Սուրբ Մարիամ» մանկապարտեզի բացումը
Օրվա առիթով կազմակերպված միջոցառմանը ներկա էին Համաշխարհային բանկի Հայաստանի գրասենյակի տնօրեն Կարոլին Գեգինատը, ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, մարզային ու քաղաքային իշխանության ներկայացուցիչներ՝ գլխավորությամբ ՀՀ Շիրակի մարզպետ Նազելի Բաղդասարյանի, Գյումրի համայնքի ղեկավարի առաջին տեղակալ Արթուր Պապիկյանի, Գյումրի համայնքի ղեկավարի տեղակալ Դավիթ Առուշանյանի:
«Սուրբ Մարիամ» մանկապարտեզը կառուցվել է ՀՀ տարածքային կառավարման և ենթակառուցվածքների նախարարության Հայաստանի տարածքային զարգացման հիմնադրամի «Սոցիալական ներդրումների և տեղական զարգացման» ծրագրի շրջանակներում: Ծրագրի իրականացման համար ներդրվել է մոտ 172 մլն դրամ, որից համայնքի ներդրումը կազմում է մոտ 20 մլն դրամ: Մանկապարտեզը նախատեսված է 75 երեխայի համար:
Ողջույնի իր խոսքում Դավիթ Առուշանյանը խոսեց մանկապարտեզի կառուցման ծրագրի, դրա կարևորության մասին, ապա անդրադարձավ համայնքապատկան թվով 10 մանկապարտեզներում նախատեսվող վերանորոգման աշխատանքներին, որոնք իրականացվելու են սուբվենցիոն ծրագրի շրջանակներում: