Հունիսմեկյան միջոցառումների մեկնարկը տրվեց Գյումրու Վարդանանց հրապարակում։ Համայնքային ենթակայության թվով 22 մանկապարտեզների 620 սաներ հանդես եկան ցուցադրական ելույթներով։ Մանկապարտեզների սաների հետ համատեղ հանդես եկան նաև Գյումրու մարմնամարզության մարզադպրոցի փոքրիկ մարմնամարզիկները։

Սիրելի հայրենակիցներ, Հայրենական մեծ պատերազմի վետերաններ, ռազմական գործի նվիրյանլներ, հայրենիքի պաշտպաններ, շնորհավորում եմ բոլորին Մեծ հայրենականում տարած հաղթանակի 77-ամյակի առիթով:

Մայիսի 9-ը հայ ժողովրդի համար ամենանշանակալի տոներից մեկն է: 77 տարի առաջ խորհրդային միության բանակը փայլուն հաղթանակ տարավ Հայրենական Մեծ պատերազմում: Այդ օրերին խորհրդային բազմազգ բանակի կազմում անձնուրաց պայքար են մղել և հաղթանակի կերտման գործում իրենց մեծ լուման ունեցել նաև հայ ազգի հերոս զավակները: Հայրենական պատերազմում հայ ժողովուրդը տվել է բազում հերոսներ որից շարքերում նաև՝ գյումրեցիներ: Պատմական էջերում մայիսը նաև հայ ժողովրդի համար հաղթանակների ամիս է և վստահ եմ, հայ ազգն իր պայքարող տեսակի, անկոտրում ոգու շնորհիվ կկարողանա վերականգնել մայիսյան հաղթանակների երբեմնի փառքը:

Սուրբ Հարության՝ Զատիկի տոնը Գյումրիում
Գյումրու Վարդանանց հրապարակում նշվել է Սուրբ Հարության՝ Զատիկի տոնը։ Միջոցառման մեկնարկին հրապարակում են եղել Շիրակի մարզպետ Նազելի Բաղդասարյանը, Գյումրի համայնքի ղեկավար Վարդգես Սամսոնյանը։ Համաժողովրդական հավկիթախաղի հաղթող է դարձել 11-ամյա Վահան Ժամկոչյանը։
Խաղի ավարտին համերգային ծրագրով հանդես է եկել Ethno colors band-ը՝ ազգային ռիթմերով։

Սուրբ Հարության տոնի՝ Զատիկին ընդառաջ Գյումրի համայնքի ղեկավար Վարդգես Սամսոնյանն այցելել է «ԱՌԴԱ» բարեգործական հիմնադրամի միջոցներով կառուցված շենքի բնակիչներին, շնորհավորել գալիք տոնի կապակցությամբ, զրուցել բնակիչների հետ, լսել նրանց կողմից բարձրացված հարցերն ու խնդիրները: