Այսօր` ապրիլի 15-ին Գյումրու քաղաքապետ Սամվել Բալասանյանն հանդիպում ունեցավ քաղաքի համատիրությունների ղեկավարների հետ:
Քաղաքապետը նշեց, որ ակնառու է համատիրությունների աշխատանքներում դրական տեղաշարժը, սակայն առավել բարձր արդյունքի հասնելու համար անհրաժեշտ է, որպեսզի համատիրություններն ավելի սերտ համագործակցեն ինչպես միմյանց, այնպես էլ քաղաքապետարանի հետ: Օրակարգում դրված հարցերից առաջինն առնչվում էր ապրիլի 19-ին սպասվող համաքաղաքային շաբաթօրյակին:

 Այսօր՝ ապրիլի 12 ին, Գյումրու քաղաքապետ Սամվել Բալասանյանն ընդունեց Գյումրիում անցկացվող «Վերածնունդ» միջազգային 6-րդ մրցույթ-փառատոնի ժյուրի անդամներին և փառատոնի հյուրերին: Բացման խոսքում քաղաքապետը ողջունեց 33 երկրներից Գյումրի ժամանած հյուրերին և կարևորեց փառատոնի անցկացումը հանրապետության երկրորդ քաղաքում՝ շեշտելով, որ այն մեծ աշխուժություն է հաղորդում քաղաքի մշակույթային կյանքին: Այնուհետև քաղաքապետը հակիճ ներկայացրեց քաղաքի պատմությունը, մասնավորապես կանգ առնելով մշակույթային հարուստ ժառանգության և «Գյումրին՝ 2013 թ. ԱՊՀ մշակութային մայրաքաղաք» ծրագրի շրջանակներում անցկացված միջոցառումների վրա: 

Այսօր` ապրիլի 7-ին, Գյումրու քաղաքապետ Սամվել Բալասանյանն այցելեց Գյումրու ծերերի տուն-ինտերնատ և մասնակցեց Մայրության և գեղեցկության տոնի առթիվ կազմակերպված միջոցառմանը: Քաղաքապետը ողջունեց և իր շնորհավորական խոսքն ուղղեց բոլոր մայրերին ու քույրերին` ընգծելով նրանց անգնահատելի դերը մեր կյանքում, ինչպես նաև հանձնեց նվերներ ու պարգևներ:

Սիրելի հայուհիներ,
Ջերմորեն շնորհավորում եմ ձեզ Ապրիլի 7-ի` Մայրության ու գեղեցկության տոնի առթիվ` ցանկանալով գարնան թարմություն, անսահման սեր և երջանկություն: Մայրական սիրուց է սկսվում մեր առաջին քայլերը, նրա օրհնությամբ` մեր նախաձեռնությունները, իսկ նրա աղոթքներով` մեր հաջողությունները: Հայ մայրը հայ ընտանիքի դիմագիծն է` իր մեջ կրելով ավանդապահության, հավատարմության և նվիրվածության անսպառ աղբյուր: Հայ կնոջ անսահման բարությունն ու համբերությունը գրավական է, որպեսզի ընտանիքներում թևածի սերն ու երջանկությունը: