Այսօր` հունիսի 5-ին, Գյումրու քաղաքապետ Սամվել Բալասանյանը ներկա գտնվեց Գյումրիում «Արյա Տեքս» ընկերության կարի ուսումնական արտադրամասի բացման հանդիսովոր արարողությանը: Արտադրամասը ենթադրում է շուրջ 60 աշխատատեղ, որը ոչ միայն կտա պատրաստի արտադրանք, այլ նաև կպատրաստի կադրեր Գյումրում կառուցվելիք տեքստիլ խոշոր գործարանի համար:
Բացման արարողություն ընթացքում ընկերության տնօրեն, նիդերլանդահայ Մասիս Ներսիսյանը շնորհակալություն հայտնեց Սամվել Բալասանյանին իրենց Գյումրի հրավիրելու և սիմվոլիկ գումարով արածք տրամադրելու համար, ինչպես նաև խոսեց արտադրանքների սպառման շուկաների մասին:

 Այսօր՝ Հունիսի 1 ին, Երեխաների պաշտպանության միջազգային օրվը, Գյումրու քաղաքապետ Սամվել Բալասանյանն այցելել քաղաքի մի շարք մանկապարտեզներ և ներկա գտնվեց մանուկների համար կազմակերպված միջոցառումներին:

Սիրելի երեխաներ,
Ի սրտե շնորհավորում եմ Երեխաների պաշտպանության միջազգային օրվա առթիվ: Տոնը լի է ինչպես անսահման ջերմությամբ, այնպես էլ պատասխանատվության զգացումով՝ աշխարհի ողջ մարդկությանը համախմբելով բոլորիս համար կարևոր մի խնդրի շուրջ. դա երեխաների շահերի և իրավունքների պաշտպանությունն է, նրանց առողջության, կրթության ու դաստիարակության հարցերի լուծումը: Երեխաներն են, որ իրենց ջերմությամբ ու ժպիտներով, ծափ-ծիծաղով իմաստ են հաղորդում մեզ՝ մեծերիս կյանքին, և մենք պարտավոր ենք անել ամեն ինչ, որ նրանց մոլորակը լինի միծտ գունեղ և անհոգ:

 Ի սրտե շնորհավորում եմ Հանրապետության օրվա առթիվ, տոն, որը միավորում է մեր ժողովրդին և խորհրդանշում նրա ազատատենչ ոգին: 96 տարի առաջ այս օրերին հայ ազգը, շարունակվող ցեղասպանության, զանգվածային տեղահանությունների, սովի ու համաճարակի պայմաններում ռազմական արվեստի և սառը տրամաբանության շրջանակներում չտեղավորվող սխրանքներ գործեց` Բաշ Ապարանում, Ղարաքիլիսայում և Սարդարապատում ջախջախելով թուրքական կանոնավոր, բազմաքանակ բանակն ու հրոսակախմբերին: Ստեղծվելով պատմական բարդ ու դժվարին պայմաններում` Հայաստանի Առաջին Հանրապետությանը վիճակված էր գոյատևել կարճ, բայց կարևորագույն ժամանակահատված, որի դասերը միշտ պետք է ուղեկցեն մեզ և գալիք սերունդներին, որպեսզի պահպանենք մեր ազգային արժեքներն ու ավանդույթները, գնահատենք ձեռքբերումներն ու հաղթանակները: