Գյումրու քաղաքապետ Սամվել Բալասանյանն նոյեմբերի 26-ին շնորհավորել և պարգևատրել է սեպտեմբեր-հոկտեմբեր ամիսներին Աշխարհի և Եվրոպայի առաջնություններում մեդալներ նվաճած գյումրեցի մարզիկներին և մարզիչներին:

 Նոյեմբերի 26-ին Գյումրու քաղաքապետ Սամվել Բալասանյանն ընդունել է Ասիական զարգացման բանկի խորհրդատվական ընկերության ներկայացուցիչներին՝ Անդրիգ Մոլսին, Նիլս Քրիստենսոնին և Վիկտոր Բախտամյանին: Դանիական COWI խորհրդատվական կազմակերպությունը Գյումրիում էր կոշտ թափոնների կառավարման ծրագրային առաջարկով: 

  Նոյեմբերի 25-ին Գյումրու քաղաքապետ Սամվել Բալասանյանն ընդունել է ճանաչողական այցով Գյումրիում գտնվող Շվեդիայի Ֆալուն քաղաքի փոխքաղաքապետ Բրունո Կաֆմանի գլխավորած պատվիրակությանը: Ողջունելով հյուրերին՝ քաղաքապետ Սամվել Բալասանյանն առաջ քաշեց համայնքի գործունեության հրապարակայնության հարցը՝ հաշվի առնելով այն հանգամանքը, որ Գյումրին առաջին համայնքն է Հայաստանում, որտեղ ավագանու նիստերի ժամանակ ուղիղ հեռարձակում է ապահովվում:

  Ձմռան նախապատրաստական աշխատանքները Գյումրու քաղաքապետարանի Բնակկոմունալ և շրջակա միջավայրի պահպանության բաժինը սկսել է դեռ սեպտեմբեր ամսից՝ ձեռք է բերվել անհրաժեշտ քանակությամբ համապատասխան նյութեր՝ աղ և ավազ: Նոյեմբերի 24-ին հրավիրված մամլո ասուլիսի ժամանակ բնակկոմունալ և շրջակա միջավայրի պահպանության բաժնի պետ Կնյազ Մանասյանը տեղեկացրեց, որ նախորդ տարիների համեմատ այս տարի կուտակված աղի և ավազի քանակը ավելին է, համապատասխան տեխնիկան էլ՝ ավելի շատ: