Այսօր՝ ապրիլի 18-ին, Գյումրու քաղաքապետարանի աշխատակիցները քաղաքապետ Սամվել Բալասանյանի գլխավորությամբ Խաղաղության օղակի այգում տնկեցին 100 ծառ՝ ի հիշատակ Մեծ Եղեռնի անմեղ զոհերի:
Հարգելի՛ համաքաղաքացիներ,
Գյումրու քաղաքապետարանը տեղեկացնում է, որ 2015 թվականի ապրիլի 22-ից 24-ը քաղաքապետարանի նախաձեռնությամբ Գյումրի քաղաքում տեղի է ունենալու մի շարք միջոցառումներ՝ նվիրված Հայոց ցեղասպանության 100-րդ տարելիցին: Ստորև ներկայացվում է վերոհիշյալ օրերին անցկացվելիք միջոցառումների ժամանակացույցը:
ապրիլի 22 ժամը 14:00
«Անմոռուկ» ֆլեշմոբ - Գյումրու Վարդանանց հրապարակ
ապրիլի 22 ժամը 15:00
«Կամք առ կամք» խորագրով ցուցահանդես - Գյումրու «Ստիլ» պատկերասրահ
ապրիլի 24 ժամը 11:00
Ֆրիդ Սողոյանի «Վերածնունդ» հուշակոթողի բացում – Գյումրու Բագրատունյաց այգի
ապրիլի 24 ժամը 16:00
«Հարյուրամյա լռություն» գրական-երաժշտական ցերեկույթ - Գյումրու Վ. Աճեմյանի անվան պետական դրամատիկական թատրոն
ապրիլի 24 ժամը 20:00
Մոմավառություն - Գյումրու Վարդանանց հրապարակ
Սիրելի հայուհիներ,
Շնորհավորում եմ Մայրության և գեղեցկության տոնի առթիվ՝ ցանկանալով քաջառողջություն, անմար ժպիտներ և գարնանային տրամադրություն:
Հայ կնոջ կերպարը դարեր շարունակ եղել է մեր ազգի պահպանման ու գոյատևման կարևոր գրավականներից մեկը՝ կրելով իր մեջ ավադապահության ու նվիրվածության անմար կրակը: Անուրանալի է հայ կնոջ դերը ինչպես պետականության ամրապնդման, ազգային գոյապայքարի, այնպես էլ սերունդների կրթության, դաստիարակության և ազգային նկարագրի պահպանման գործում: Մայրական սիրով են նախանշվում մեր առաջին քայլերը, իսկ նրա աղոթքներով և օրհնությամբ՝ մեր հաջողությունները: Սիրելի մայրեր, քույրեր, կանայք և դուստրեր, ցանկանում եմ ձեզ անսահման երջանկություն, սեր և ջերմություն:
Թող ձեր օջախներում թևածի խաղաղությունը, ներդաշնակությունը և ընտանեկան ջերմությունը, իսկ դուք լինեք միշտ սիրված ու գնահատված:
Գյումրու քաղաքապետ՝ Սամվել Բալասանյան
Մարտի 28-ին Գյումրու քաղաքապետ Սամվել Բալասանյանը հանդիպեց «Շիրակ» հայրենակցական միության ներկայացուցիչներին՝ միության ղեկավար Վարազդատ Ավոյանի գլխավորությամբ: Հանդիպման ընթացքում քննարկեցին Գյումրի քաղաքի կարգավիճակի փոփոխության օրենսդրական նախաձեռնության հետ կապված հարցեր:
էջ 94 - 134