Այսօր՝ հունիսի 17-ին, Գյումրու Վ. Աճեմյանի անվան պետական դրամատիկական թատրոնում տեղի ունեցավ «Հրաժեշտ մանկապարտեզին» միջոցառումը, որին ներկա էր Գյումրու քաղաքապետ Սամվել Բալասանյանը: Արդեն ավանդույթ դարձած ամենամյա միջոցառմանը մեծ ոգևորությամբ նախապատրաստվել էին ինչպես նախադպրոցական ուսումնական հաստատությունների աշխատակիցները, այնպես էլ փոքրիկներն ու նրանց ծնողները: Գյումրու 24 նախադպրոցական ուսումնական հաստատությունների 827 սաներ հայկակա ժողովրդական, ժամանակակից ու դասական երգ երաժշտության ներքո ներկայացրեցին իրենց պարային համարները: Քաղաքապետ Սամվել Բալասանյանը շնորհավորեց երեխաներին, դաստիարակներին և ծնողներին կատարված աշխատանքի համար՝ ընդգծելով նախադպրոցական կրթության դերը երեխաների համար` միաժամանակ բարի երթ մաղթելով փոքրիկներին կյանքի նոր փուլում:

 Հունիսի 15-ին, Չինաստանի խաղաղության և զինաթափման կոմիտեն հանդիպել է Հայաստանի Խաղաղության կոմիտեի հետ <<Մեկ Ճանապարհ, Մեկ Գոտի>> թեմայով համաժողովին, որից հետո չինական պատվիրակության ներկայացուցիցչների հետ հանդիպել է նաև Գյումրու քաղաքապետ Սամվել Բալասանյանը: Գյումրու քաղաքապետն իր խոսքում ևս մեկ անգամ ընդգծել է հայ-չինական հարաբերությունների զարգացմանը միտված ծրագրերի անհրաժեշտությունը, այդ թվում տնտեսության տարբեր ոլորտներում:

 Գյումրու Կարա-Մուրզայի անվան պետական երաժշտական քոլեջը հունիսի 16-ին տոնեց իր գործունեության 80-ամյակը: Միջոցառմանը մասնակցում էր նաեւ Գյումրու քաղաքապետարանի ծրագրերի, արտաքին կապերի և արարողակարգի բաժնի պետ Արմեն Հովհաննիսյանը: Վերջինս ներկաներին փոխանցեց Գյումրու քաղաքապետի ողջույնի խոսքն ու շնորհավորանքը:

 Հունիսի 15-ին, հաշվետու համերգով հանդես եկան Գյումրու քաղաքապետարանի ենթակայության Խ.Ավետիսյանի անվան թիվ 7 երաժշտական դպրոցի սաները: Մեկ տարվա աշխատանքի ամփոփիչ համերգին ներկա էր նաև քաղաքապետարանի մշակույթի բաժնի պետ Արտուշ Մկրտչյանը: Դպրոցի փողային նվագախումբը, երգչախումբը, դաշնամուրային, լարային ու փողային նվագարանների տարբեր դասարանների երեխաներ հանդիսատեսին ներկայացրեցին հայ եւ արտասահմանյան կոմպոզիտորների ստեղծագործություններ: