Գյումրու քաղաքապետ Սամվել Բալասանյանն այսօր աշխատանքային շրջայց կատարեց քաղաքի մի շարք փողոցներով՝ տեղում ծանոթանալով ընթացող ասֆալտապատման և բարեկարգման աշխատանքներին: Շրջայցի ավարտին քաղաքապետը հանձնարարություններ տվեց առանձին պաշտոնյաների և կարգադրեց ավելի հաճախ զեկուցել քաղաքում ընթացող բարեկարգման աշխատանքների ընդհանուր վիճակի մասին:

Օրվա երկրոդ կեսին քաղաքապետն այցելեց  Գյումրի Բժշկական կենտրոն և շնորհավորեց  առողջապահության ոլորտի  մասնագետներին  բուժաշխատողի օրվա կապակցությամբ՝ մաղթելով  վերջիններիս  քաջառողջություն և մասնագիտական նորանոր ձեռքբերումներ:

Այնուհետև Սամվել Բալասանյանը ներկա գտնվեց և բացման խոսքով հանդես եկավ Գյումրու  երաժշտական դպրոցների մասնակցությամբ կազմակերպված գալա համերգին: