28.01.2024թ. Հունվարի 28-ին Հայոց բանակի կազմավորման 32-ամյակի առիթով մարզային ու քաղաքային իշխանության ներկայացուցիչներ՝ գլխավորությամբ Շիրակի մարզպետ Մուշեղ Մուրադյանի, Գյումրի համայնքի ղեկավարի տեղակալ Սուրեն Ջանոյանի, ավագանու «Բալասանյան դաշինք» խմբակցության ղեկավար Տիգրան Հովհաննիսյանը, ավագանու անդամներ, ուժային կառույցների ղեկավարներ/ներկայացուցիչներ, զինվորականներ և այլք այցելել են «Շիրակ» գերեզմանատուն, հարգանքի տուրք մատուցել և ծաղիկներ դրել Արցախյան պատերազմում զոհված ազատամաարտիկների, ապրիլյան քառօրյա մարտական գործողությունների և 2020 թվականի 44-օրյա պատերազմի ընթացքում ընկած հայորդիների շիրիմներին։

Սիրելի հայրենակիցներ,
Ջերմորեն շնորհավորում եմ բոլորիս Հայոց բանակի կազմավորման 32-ամյակի առիթով։ Օրացույցում այս օրը առաձնակի տեղ ունի մեզանից յուրաքանչյուրի համար, այն ուրույն կերպով ևս մեկ անգամ ընդգծում է հայ ժողովրդի ամուր կամքը, պայքարող տեսակը։ Հայ ժողովուրդն իր միասնական ոգու, իր անկոտրում կամքի շնորհիվ 32 տարի առաջ կարողացավ ունենալ տարածաշրջանի ամենահզոր և մարտունակ բանակը։

26.01.2024թ. Հունվարի 26-ին «ԴԱՇԻՆՔ՝ հանուն կայուն և կանաչ կառավարման» (ԿԿԿ ԴԱՇԻՆՔ) / (ABC.GoV) Alliance for Better City Governance)» ԵՄ ֆինանսավորմամբ ծրագրի շրջանակներում «Հայաստանում տեղական մակարդակում շրջանաձև տնտեսության զարգացման ուղիները» խորհագրով անցկացվել է համաժողով Երևանում, որին մասնակցել է Գյումրի համայնքի ղեկավարի խորհրդական Մենուա Մկրտչյանը, համայնքապետարանի մի խումբ աշխատակիցներ։

25.01.2024թ. Հունվարի 25-ին Գյումրի համայնքի ղեկավար Վարդգես Սամսոնյանը, համայնքի ղեկավարի առաջին տեղակալ Լուսինե Սանոյանը հյուրընկալել են Ամերիկյան «Փարոս» հիմնադրամի գործադիր տնօրեն Փիթր Աբաջյանին, ծրագրի ղեկավար Արմեն Սիմոնյանին: