Home Information Center News ԱԶԴԱՐԱՐՎԵՑ ԳՅՈՒՄՐՈՒ ԲՐԵՆԴԻ ՄՇԱԿՄԱՆ ԾՐԱԳԻՐԸ

Հունիսի 27-ին Գյումրու քաղաքային իշխանության ներկայացուցիչներ՝ գլխավորությամբ Գյումրու քաղաքապետ Սամվել Բալասանյանի, ընդունեցին Deem Comunications ընկերության ստեղծագործական տնօրեն Րաֆֆի Նիզիբլյանին, Զբոսաշրջության պետական կոմիտեի նախագահ Զարմինե Զեյթունցյանին, Գյումրի քաղաքի բրենդի մշակման համար ձևավորված աշխատանքային խմբի անդամներին: Աշխատանքային խմբում ընդգրկված են փորձագետներ մշակույթի, տնտեսական և բիզնես ոլորտների, ինչպես նաև ներկայացուցիչներ միջազգային և հասարակական կազմակերպություններից, Գյումրու քաղաքապետարանից: Հանդիպման ընթացքում ներկայացվեց ծրագրի նպատակը, առաջիկա անելիքներն ու հետագա քայլերը: Խոսվեց Գյումրու բրենդի անհրաժեշտության, ծրագրի ընթացքի և մի շարք այլ հարցերի մասին: Ծրագիրը բաղկացած է երկու փուլից, առաջին փուլում կիրականացվի ուսումնասիրություն, իսկ երկրորդ փուլում արդեն կմշակվի բրենդը: Քաղաքապետ Սամվել Բալասանյանն իր խոսքում ողջունեց նախաձեռնությունը, միաժամանակ հույս հայտնելով, որ մինչև այս տարվա վերջ Գյումրին կունենա իր բրենդը, որը կնպաստի զբոսաշրջության ավելացմանը Գյումրիում: