Information Center Announcements Հայտարարություն
ՀՈՒՇԱԹԵՐԹ
ՀԵՂԵՂՈՒՄՆԵՐԻ ԴԵՊՔՈՒՄ ԲՆԱԿՉՈՒԹՅԱՆ ԿՈՂՄԻՑ ԻՐԱԿԱՆԱՑՎԵԼԻՔ ԱՆՀՐԱԺԵՇՏ ՔԱՅԼԵՐԻ
Ի՞նչ անել մինչև հեղեղումները
- Միշտ պատրաստ ունենալ աղետի կապոց.
- Պատրաստել ավազով լցված պարկեր.
- Մաքրել կոյուղին.
- Պահեստավորել խմելու ջրի և սննդի պաշար (մի քանի օրվա համար).
- Հետևել ջրաօդերևութաբանական ազդարարման նշաններին.
- Հեղեղումների սպառնալիքի դեպքում անջատել գազը, էլեկտրականությունը.
- Հետևել տարահանման և ապաստարանի վերաբերյալ տեղեկատվությանը և կառավարման մարմինների ցուցումներին.
- Տեղեկանալ հեղեղումների սպառնալիքի դեպքում բնակության վայրից անվտանգ հեռանալու ճանապարհները.
- Բնակավայրից հեռանալու անհնարինության դեպքում տրանսպորտով կամ ոտքով բարձրանալ բնակավայրին մոտ գտնվող բարձրադիր վայրերը (բլուր, լեռ և այլն).
- Պատրաստի ունենալ լուսային ազդանշանային սարքեր.
- Ամրացնել այն ամենը, ինչ կարող է լողալ ջրի մեջ (կահույք և այլն):
Ի՞նչ անել հեղեղումների ժամանակ
- Մինչև կառավարման մարմինների համապատասխան ցուցումները մնալ ապաստարաններում.
- Աղետի կապոցը թրջվելուց զերծ պահել.
- Տանը գտնվելու դեպքում ոչ մի դեպքում չօգտվել կենցաղսպասարկման համակարգերից` երկրորդածին աղետներից խուսափելու համար.
- Չփորձել կտրել-անցնել ջրային հոսքը. 15 սմ խորության ջրի արագ հոսքը վտանգավոր է մարդու համար, իսկ 50 սմ-ը` անանցանելի սովորական մեքենաների համար.
- Ծանծաղ տեղերն անցնելիս հագնել ջրակայուն պինդ կոշիկներ և օգտվել ձեռնափայտից.
- Օգնության կարիք ունենալու դեպքում տալ աղետի ազդանշան (խարույկ, բղավոց, դրոշներ, ազդանշան և այլն):
Ի՞նչ անել հեղեղումներից հետո
- Ուշադիր հետախուզել կացարանը` հիմքի ամբողջությունը, պատերի, պատուհանների և հատակի վիճակը.
- Ստուգել հաղորդակցության համակարգը.
- Թունավոր օձերի հնարավոր առկայությունը.
- Ստուգել սննդի պիտանելիությունը, սննդամթերքը լվացնել եռացրած ջրով.
- Խմելու ջուրն օգտագործել սանիտարական ստուգումից կամ եռացնելուց հետո.
- Չօգտագործել ջրում հայտնված սննդամթերքը.
- Նախքան հաղորդակցության համակարգերից օգտվելը` ստուգել դրանց վնասվածության աստիճանը.
- Հաղորդակցության համակարգերի վերանորոգումը վստահել մասնագետներին.
- Հնարավորության դեպքում չմնալ այն տանը, որը վթարային է կամ վստահություն չի ներշնչում.
- Առանց անհրաժեշտության չմտնել ջրածածկ տարածքներ:
